د کندوز پوهنتون رهبرۍ د دې علمي بنسټ 2 علمي کادرونو ستاینه کوي
د کندوز پوهنتون رهبرۍ د دې علمي بنسټ 2 علمي کادرونو ستاینه کوي.
د کندوز پوهنتون د کرنې پوهنځي علمي کادر او د دې علمي بنسټ د څېړنو آمر ښاغلی پوهنمل ګل آقا انوري د مشرانو په هدایت د البروني پوهنتون د څېړنو معاون په توګه او دغه راز پوهنمل ډاکټر صاحب محمد خالد خاورین د بامیانو پوهنتون د څېړنو معاون په توګه ټاکل شوي دي .
کندوز پوهنتون رهبرۍ د دوی د ټولو هغو مرستو او ريښتينو هڅو په پار مننه کوي، چې له دې پوهنتون سره یې د اکاډمیکو هڅو او اداري موخو ته د رسېدو په برخه کې کړي دي د مننې ترڅنګ د لوی څښتن تعالا له دربار څخه ورته د اس ل ام او هېواد لپاره د خدمت په لاره کې د لا زياتو بریالیتوبونو هیله کوي.
نېټه: دوشنبه ، 24/7/1402 ه ش
