په کابل پوهنتون کې دلوړو زده کړو پیاوړتیا ملي کنفرانس پای ته ورسیده.
په کابل پوهنتون کې دلوړو زده کړو پیاوړتیا ملي کنفرانس پای ته ورسیده.
د لوړو زده کړو پیاوړتیا ملي کنفرانس چې د روان کال کب میاشتې په دوهمه نیټه کابل پوهنتون کې پیل شوی وو او د ټول هیواد له امارت او خصوصي پوهنتونو رئيس صاحبانو په ګډون له 900 څخه زیاتو استادانو پکې برخه اخیستې وه، د هیواد تحصیلي نظام د پیاوړتیا په موخه د وروستیو وړاندیزونو په مطرح کولو د 1401/12/4نیټه د پنجشنبې په ورځ پای ته ورسید.
په دغه کنفرانس کې د کندوز پوهنتون رئيس ښاغلي پوهنيار ضیاالدین سیرت ، د کمپيوټر ساينس پوهنځي استاد پوهنیارعابدالله عادل او د اقتصاد پوهنځی استاد کادری غړی پوهنمل حفیظ الله ایوبی ګډون کړی وو .
همدا راز په دغه ملي کنفرانس په وروستۍ برخه کې هغه استادان چې علمي مقالې یې وړاندې کړې، د کندوز پوهنتون رئيس ښاغلي پوهنيار ضیاالدین سیرت په ګډون هغه اشخاص او مسؤلین چې د یاد کنفرانس کې يي ګډون کړۍ وه ، د تصديق پاڼو په ورکولو د هغوی له کړنو او هڅو ستاینه وشوه.
د کندوز پوهنتون عامه پوهاوي او اړیکو مدیریت
