درې ورځنی ښوونیز ورکشاپ
د شنبې په ورځ (۱۵/۱۲/۱۴۴۳) نیټه د کندز پوهنتون د نویو ګمارل شویو کارکوونکو لپاره د پوهاوي تر عنوان لاندې درې ورځنی ښوونیز ورکشاپ جوړه شو.
پروګرام د کلام الله مجید د سپیڅلي آیتونو په تلاوت سره پیل شو، ورپسې د دې علمي بنسټ رئیس ښاغلي ضیاالدین "سیرت" د مرکز څخه راغلو میلمنو ته هریو د بشري سرچینو رئیس ښاغلي مفتي عبدالکریم "امیري"، د پوهنې او د ظرفیتونو د لوړولو آمر ښاغلي عبیدالله "مولایي" او د یاد وزارت د دندو د ارزونې عمومي مدیر ښاغلي معراج الدین "سیاس" ته ښه راغلاست ووایه او د دې ادارې د کارکوونکو د پوهاوي او ظرفیت لوړولو په برخه کې د هغوی د پاملرنې او همکارۍ څخه مننه وکړه.
ورپسي ورکشاپ د لوړو زده کړو وزارت د بشري سرچینو ریاست د روزنیزو او ظرفیت لوړولو د آمر ښاغلي عبیدالله "مولايي" او د هغه د کاري ټیم د اداري اجراآتو په اړه پیل او د کندز پوهنتون اداري کارکوونکو ته په دريو ورځو کې په جلا جلا وختونو کې وړاندې شوه.
