د کندوز پوهنتون او د افغانستان زراعتي علومو او ټکنالوژۍ ملي پوهنتون (اناسټو) تر منځ د دوه اړخیزو همکاریو هوکړه لیک لاسلیک شو.
د کندوز پوهنتون او د افغانستان زراعتي علومو او ټکنالوژۍ ملي پوهنتون (اناسټو) تر منځ د دوه اړخیزو همکاریو هوکړه لیک لاسلیک شو.
یاد دوه اړخیزو همکاریو هوکړه لیک د کندوز پوهنتون رئیس ښاغلي پوهنیار ضیاالدین سیرت او د افغانستان زراعتي علومو او ټکنالوژۍ ملي پوهنتون (اناسټو) علمي چارو مرستیال او سرپرست رئیس ښاغلي پوهنیار ثناء الله "ارغستاني" له لوري لاسلیک شو.
د دوه اړخیزو همکاریو هوکړه لیک لاسلیک پرمهال د کندوزپوهنتون رئیس ښاغلي پوهنیار ضیاالدین سیرت د اناسټو پوهنتون له مشرتابه له همکاریو مننه وکړه او یاد تړون یې د دواړو پوهنتونونو د اړیکو لپاره ګټور وباله. هغه زیاته کړه، چې د کندوز پوهنتون رهبرۍ د یاد تړون د موادو د پلي کولو په برخه کې هر ډول همکاریو ته ژمن دی.
دغه هوکړه لیک د هېواد د مسلکي لوړو زده کړو او همدارنګه په اړوندو برخو کې شته طرزالعملونو، لوایحو او مقرراتو ته په پام د افغانستان د کرنیزو علومو او ټکنالوژي د ملي پوهنتون او کندوز پوهنتون ترمینځ السلیکېږي؛ ترڅو په ورپورې اړوندو برخو په ټوله کې په فرهنګي او اجتماعي او په ځانګړې توګه په تحقیق، چاپیریال ساتني او خدماتو کې لازمه همکاري ترسره او مستحقینو ته ګټوری مشورې ورکړل شي.
د عامه پوهاوي اړیکو او نشراتو مدیریت
