د کندوز پوهنتون علمي شورا د 1402 ه ش کال لومړۍ 1 ناسته ترسره شوه.
د کندوز پوهنتون علمي شورا د 1402 ه ش کال لومړۍ 1 ناسته ترسره شوه.
دوشنبه 26/9/1444ه ق چې 1402/ ه ش کال لومړۍ میاشتې 28 نېټې سره سمون لري دکندوزپوهنتون رئیس ښاغلي پوهنيار ضیاءالدین سیرت په مشرۍ ، د علمي چارو مرستيال ښاغلي پوهنیار غلام نبي څپاند د محصلینو چارو مرستيال ښاغلي پوهندوی عبدالقدوس اصولي اود یاد پوهنتون علمي شورا غړو په ګډون د کندوز پوهنتون د غونډو په تالار کې ترسره شوه.
یاده غونډه د کندوز پوهنتون د تضمین کیفیت آمر ښاغلي پوهنمل ګلستان خیراندیش له لوري دقرآن عظیم الشان د څو مبارکو آیتونو په تلاوت سره پيل شوه.
ورپسې د کندوز پوهنتون رئيس ښاغلي پوهنيار ضیاءالدین سیرت د علمي شورا غړو ته د ښه راغلاست ترڅنګ په کندوز پوهنتون کې د وروستيو پرمختګونو ،ستونزو، پلانونو او پروژو په اړوند خپلې ارزښتناکې خبرې ګډونوالو ته واورولې.
په غونډه کې د کندوز پوهنتون علمي چارو مرستيال ښاغلي پوهنیار غلام نبي څپاند علمي شورا غړو څخه د علمي شورا په غونډو کې د فعاله ګډون څخه مننه وکړه او ترڅنګ يې په خپلو اړوندو چارو کې د ژمنتیا په اړه تاکيد وکړ.
همدا راز يې له ټولو ګډونوالو څخه هیله وکړه چې په خپلو چارو کې چټکتیا رامنځته ، د شپې برنامو فعالیدو او د 1402 ه ش کال کاري پلانونو په اړه بحث او خبرې وکړې.
د غونډې په دوام د علمي شورا ښاغلو غړو په خپل وار سره د اجنډا پربنسټ خپلې علمي ویناوې او رغنده نظرونه ګډونوالو سره شریک کړه.
په آزاد بحث کې د پوهنتون مشرتابه له خوا د علمي شورا غړو وړاندیزونه واورېدل شول او اړینې پرېکړې ترسره شوې.
همداراز یاده ناسته د کندوز پوهنتون د محصلینو چارو مرستيال ښاغلي پوهندوی عبدالقدوس اصولي په دعا پای ته ورسېده.
د کندوز پوهنتون عامه پوهاوي او اړیکو مدیریت
