د کندوز پوهنتون مشرتابه او د سپين زر دولتي شرکت مسوولينو له لوري د همکارۍ هوکړه ليک لاسلیک شو.
د کندوز پوهنتون مشرتابه او د سپين زر دولتي شرکت مسوولينو له لوري د همکارۍ هوکړه ليک لاسلیک شو.
سه شنبه 1444/8/28 ه ق چې د 1402 ه ش کال سره سمون لري د کندوز پوهنتون رئيس ښاغلي پوهنيار ضیاالدین سیرت او د سپين زر دولتي شرکت اجرايوي رئیس ښاغلي حفيظ الله فرياد دلا همغږۍ او همکاریو هوکړه ليک لاسلیک کړ.
د همکاريو یاد هوکړه ليک د کندوز پوهنتون رئيس ښاغلي پوهنيار ضیاالدین سیرت دسپين زر دولتي شرکت اجرايوي رئیس ښاغلي حفيظ الله فرياد د کندوز پوهنتون علمي چارو مرستيال پوهنيار غلام نبي څپاند ،د محصلینو چارو مرستيال ښاغلي پوهندوی عبداالقدوس اصولي او د سپين زر دولتي شرکت مالي او اداري چارو مرستيال ښاغلي رحمن الله رحماني په شتون د کندوز ولايت په سپين زر دولتي شرکت کې لاسليک شو.
د کندوز پوهنتون رئيس ښاغلي پوهنيار ضیاالدین سیرت د یاد هوکړه لیک د لاسلیک پر مهال د کندوز ولايت د سپين زر دولتي شرکت مشرتابه څخه د منني ترڅنګ وویل چې زموږ علمي کادرونه د اړتیا په صورت ستاسو خدمت کې به اوسي.
همدارنګه د کندوز ولايت د سپين زر دولتي شرکت اجرايوي رئیس ښاغلی حفیظ الله فرياد او د دې شرکت مالي او اداري چارو مرستيال ښاغلي رحمن رحماني د کندوز پوهنتون مشرتابه په راتګ سره خوښي څرګنده کړه او زیاته یې کړه چې موږ د دې علمي بنسټ د کادرونو څخه د اړتیا په وخت به سالمه استفاده وکړو، همدا راز يې د کندوز پوهنتون مشرتابه ته د هغو کړنو چې په روستيو کې يې د کندوز پوهنتون د لا پرمختګ په پار کړي مننه وکړه.
کندوز پوهنتون د عامه پوهاوي او اړیکو مدیریت
