د کندوز پوهنتون لس مخکښو څېړونکو لمانځونډه ترسره شوه.
د کندوز پوهنتون لس مخکښو څېړونکو لمانځونډه ترسره شوه.
ياده غونډه د کندوز پوهنتون حقوقي کلینیک دغونډو په تالار کې جوړه شوې چې د کندوز پوهنتون رئيس ښاغلي پوهنیار ضیاءالدین سیرت په ګډون د ولايت مقام د دفتر رئيس ښاغلي م و ل و ي صاحب عبدالغفور شهيد زوی ، د کندوز ولايت د پوهنې ریاست مرستيال ښاغلي م و ل و ي صاحب غلام رسول حقاني ،د پوهنتون علمي چارو مرستيال ښاغلي پوهنیار غلام نبي څپاند ، د محصلینو چارو مرستيال ښاغلي پوهندوی عبدالقدوس اصولي ،د پوهنځيو ښاغلو رئیس صاحبانو ، د څانګو آمرینو، استادانو او محصلینو ګډون کړی وو.
غونډه د قرانکريم په څو مبارکو اياتونو په تلاوت سره پيل شوه. ورپسې د کندوز پوهنتون رئيس ښاغلي پوهنیار ضیاءالدین سیرت ، د څېړنې اړوند خپلو علمي ویناوو ترڅنګ د کندوز پوهنتون لسو مخکښو استادانو مبارکي وويله او دا یې د کندوز پوهنتون د پرمختګ لپاره لویه لاسته راوړنه وبلله ، همدا راز يې د پوهنتون ټول کادرونه د خپل تدريس ترڅنګ د څېړنيزو مقالو لیکلو ته وهڅول.
دغه راز د علمي چارو مرستيال ښاغلي پوهنیار غلام نبي څپاند مخکښو استادانو ته د دې سترې بریا مبارکي وويله او په نړۍ کې یې د کتاب لوستلو، څېړنيزو مراکزو باندې خپلې ارزښتناکې خبرې ګډونوالو ته واورولې.
په غونډه کې د کندوز ولايت مقام د دفتر رئيس ښاغلي م و ل و ي صاحب عبدالغفور شهیدزوی ، ښاغلو استادانو ته د مبارکۍ ترڅنګ وويل ، هغه استادان او هغه محصلین چې اوس ښه زمینه ورته برابره شوې او لوی فرصت په لاس کې لري د کندوز پوهنتون او نورو برياليو څېړونکو څخه دې لارښوونې او زده کړې ترلاسه کړه ترڅو مو هېواد او هېوادوالو ته د خدمت جوګه شي.
په یاده غونډه کې د کندوز ولايت د پوهنې ریاست مرستيال ښاغلي م و ل و ي غلام رسول حقاني په شمول ،د ښوونې او روزنې پوهنځي د بيولوژي څانګې علمي کادر پوهنوال ډاکټر خیبر سیفي ، د څېړنو آمر ښاغلي پوهنمل ګل آقا انوري ګډونوالو ته د خپلو څېړنيزو فعاليتونو په اړه خبرې ګډونوالو ته وړاندې کړې.
د غونډې پای شېبو کې د کندوز پوهنتون رهبرۍ له لوري د کال 10 مخکښو ته ځانګړې جوړ شوي ستایندړه(تندیسونه) د کندوز پوهنتون درې علمي کادرونو ته د دوکتورا پروګرام د پای ته رسولو په پار مننلیکونه او د یاد پروسې مخکښو کسانو ته مننلیکونه د ګډونوالو په لاسونو ډالۍ شو.
یاده غونډه د کندوز پوهنتون دعوت او ارشاد آمر ښاغلي م و ل و ي صاحب عبدالحکیم عابدي په دعا د امن په فضا کې پای ته ورسېده.
نېټه: چهارشنبه
25/11/1444/ ه ق
، 24/3/1402 ه ش
د عامه پوهاوي اړیکو او نشراتو مدیریت
