په کندوز پوهنتون کې د شیخ صاحب امیرالمؤمنین حفظهالله د فرمانونو د تطبیق په لړ کې د اتمې اونۍ درس وړاندې شو
د ټاکل شوي مهالوېش له مخې د شیخ صاحب امیرالمؤمنین حفظهالله د فرمانونو د ارزښت او تطبیق په اړه د اتمې اونۍ درس د .کندوز پوهنتون په مسجد کې د پوهنتون رئیس الحاج مولوي عبدالهادي همت له لوري وړاندې شو
په دې علمي او دیني درس کې د پوهنتون مرستیالانو، د پوهنځیو رئیس صاحبانو، استادانو، کارکوونکو او ګڼ شمېر محصلانو ګډون کړی و
مولوي صاحب د «په خیښۍ او ودونو کې ناروا دودونه او رواجونه» تر عنوان لاندې هر اړخیزې خبرې وکړې. نوموړي د قرآن کریم د مبارکو آیاتونو او نبوي احادیثو په رڼا کې په کوژده او واده کې د ناروا دودونو، بېځایه لګښتونو، اسراف او هغو رواجونو په .اړه معلومات وړاندې کړل چې د اسلامي لارښوونو خلاف وي او د کورنیو لپاره د ستونزو او درنو اقتصادي بارونو سبب ګرځي
نوموړي ټینګار وکړ چې د کوژدې او واده په مراسمو کې باید له ناروا او له شریعت سره په ټکر کې دودونو او رواجونو څخه ډډه .وشي او د واده په چارو کې د اسلامي اصولو، سادهګۍ او اسانتیاوو مراعات وشي
مولوي صاحب له ټولو ګډونوالو وغوښتل چې په خپلو کورنیو او ټولنه کې د داسې ناروا دودونو د مخنیوي په برخه کې خپل مسؤلیت .ادا کړي او د ځوانانو د ودونو په چارو کې له بېځایه لګښتونو، اسراف او هغو رواجونو څخه ډډه وکړي چې د واده لاره ستونزمنوي
.دغه علمي او دیني درس د دعا په کولو سره پای ته ورسېد
