د کندوز پوهنتون د نشراتو کمېټې له ښه ځنډ ورسته له نوي تشکيل سره بیا فعالیت پیل کړو

د کندوز پوهنتون د نشراتو کمېټې له ښه ځنډ ورسته له نوي تشکيل سره بیا فعالیت پیل کړو.

د کندوز پوهنتون نشراتو کمېټې د علمي چارو مرستیال په مشرۍ، د هر پوهنځي په کچه علمي کادر او د نشراتو عمومي مدير په ګډون یو ځل بیا په نوي هوډ او مورال سره بیا فعالیت پیل کړو.

د نشراتو کمېټې لومړنۍ ناسته د علمي چارو معاونیت په مقام کې ترسره شوه. د ناستې په پېل کي د کندوز پوهنتون علمي چارو مرستيال ښاغلي پوهنیار غلام نبي څپاند صاحب د يادي کمېټي غړو ته د ښه راغلاست ترڅنګ مننه وکړه چې خپلو ورځنيو اکاډميکو چارو او مصروفیت ترڅنګ یې په نشراتو کمېټه کې هم خپله ونډه واخيسته، هغه زیاته کړه، چي د همدې غونډي څخه وروسته به د هر استاد څېړنيز، ترفيعي او تاليفي اثر، وزارت ته تر استولو مخکې په نشراتو کمېټه کې کتل کېږي او د دې کمېټې تر تائيد وروسته بې نور مراحل بشپړېږي.

ورپسې د کمېټې ښاغلو غړو په خپل نوبت سره د لومړنۍ ناستې د اجنډا اړوند خپل نېک نظرونه وړاندې کړل او ترڅنګ په غونډو کې د خپل فعاله ګډون اظهار وکړو.

هیره دې نه وي چې د کندوز پوهنتون په کچه د نشراتو کمېټې ښاغلو غړو تشکیل په لاندې ډول دی.

1- د علمي چارو مرستيال پوهنیار غلام نبي څپاند مشر

2- د ښوونې او روزنې پوهنځي علمي کادر پوهنمل زبیر احمد مجددي منشي په توګه.

3- د شپې پوهنځي رئیس پوهنمل عبدالمجید پردېس د غړي په توګه.

4-د کمپيوټر ساينس پوهنځي علمي کادر پوهنیار عبدالله ظاهر زاده د غړی په توګه..

5- د مسلکي پراختيا آمر پوهنیار ولي محمد ودید د غړي په توګه.

6- د ستوماتولوژي پوهنځي علمي کادر پوهنمل عبدالرحيم عابدي د غړي په توګه.

7- د وترنرۍ علومو پوهنځي علمي کادر پوهنیار زاهد الله احمدي د غړي په توګه.

8- د اقتصاد پوهنځي علمي کادر پوهنیار سید مجیب الرحمان نوري د غړي په توګه.

9- د شرعياتو پوهنځي علمي کادر پوهنیار ذکریا ذکي د غړي په توګه.

10- د حقونو او سیاسي علومو پوهنځي علمي کادر دوکتور پوهنیار محمد خالد خاورین د غړي په توګه.

11- د کرنې پوهنځي علمي کادر پوهنمل محمد عالم بهذاد د غړي په توګه.

12- د عامه پوهاوي اړیکو او نشراتو مدير محمد زاهد خیال د غړي د منشي مرستيال او غړي په توګه.

سه شنبه: 5/2/1445 ه ق ، 31/5/1402 ه ش

د «عامه پوهاوي اړیکو او نشراتو عمومي مدیریت »